मराठी ब्लॉग विश्व

Tuesday, October 15, 2013

काही लोक कितीही टायर्ड झालेत तरी रिटायर होत नाहीत.

काही लोक कितीही टायर्ड झालेत तरी रिटायर होत नाहीत. कवींबद्दल बोलायचं तर
पाडगावकरांचं उदाहरण देता येईल. माझ्या माहितीनुसार त्यांनी लेखन थांबवल्याची घोषणा मागेच केली होती. पण त्यानंतरही त्यांच्या कविता प्रकाशित होत राहिल्या.
यंदा तर त्यांनी मुलांसाठी रामायण की महाभारत लिहल्याची बातमी होती. दिवाळी अंकातही त्यांच्या कविता दरवर्षीप्रमाणे सर्वत्र अग्रक्रमाने दिसतीलच. अर्थात त्या दिसतंच राहो अशाच माझ्या शुभेच्छा आहेत. अर्थात हे त्यांच्या प्रतिभेचं सामर्थ्यचं आहे. आणि संपादकांचं कौशल्य. फॉलअपचं. आणि आपलं भाग्य...विंदांनी मात्र शेवटी शेवटी म्हणजे वयाच्या ८० जवळ असताना वगैरे आपलं कवितालेखन थांबवलं होतं, अशी माझी ऐकीव माहिती आहे. ही गोष्ट एक आदर्श गोष्टच म्हटली पाहिजे. अर्थात असा आदर्श घडवण्यासाठी इतकं दीर्घायुष्य लाभणं ही काही साधी गोष्ट नाही. पण कविता लिहत राहिल्याने कविशिवाय इतरांचं फारसं बिघडत नसावं. पण आताच्या काळात एवढा लांब शेवट वाट्यावर येण्याची शक्यता फारच थोडी वाटते. त्यामुळे माझ्यासह अनेकजण आजीवन लिहितच राहतील, असे वाटते...अर्थात रिटायर न होण्यातून कोणाचीही सुटका होणे कठीणच..!!!

No comments:

Post a Comment